सखि! रघुनाथ-रूप निहारु - sakhi! raghunaath-roop nihaaru -- तुलसीदास- Tulsidas #www.poemgazalshayari.in ||Poem|Gazal|Shayari|Hindi Kavita|Shayari|Love||

सखि! रघुनाथ-रूप निहारु।

सरद-बिधु रबि-सुवन मनसिज-मानभंजनिहारु॥

स्याम सुभग सरीर जनु मन-काम पूरनिहारु।

चारु चंदन मनहुँ मरकत सिखर लसत निहारु॥

रुचिर उर उपबीत राजत, पदिक गजमनिहारु।

मनहुँ सुरधनु नखत गन बिच तिमिर-भंजनिहारु॥

बिमल पीत दुकूल दामिनि-दुति, बिनिंदनिहारु।

बदन सुखमा सदन सोभित मदन-मोहनिहारु॥

सकल अंग अनूप नहिं कोउ सुकबि बरननिहारु।

दास तुलसी निरखतहि सुख लहत निरखनिहारु॥

- तुलसीदास- Tulsidas

#www.poemgazalshayari.in

||Poem|Gazal|Shayari|Hindi Kavita|Shayari|Love||