राघौ गीध गोद करि लीन्हौ - raaghau geedh god kari leenhau -- तुलसीदास- Tulsidas #www.poemgazalshayari.in ||Poem|Gazal|Shayari|Hindi Kavita|Shayari|Love||

राघौ गीध गोद करि लीन्हौ।

नयन सरोज सनेह सलिल सुचि मनहुँ अरघ जल दीन्हौं॥

सुनहु लखन! खगपतिहि मिले बन मैं पितु-मरन न जान्यौ।

सहि न सक्यो सो कठिन बिधाता बड़ो पछु आजुहि भान्यौ॥

बहुबिधि राम कह्यौ तनु राखन परम धीर नहि डोल्यौ।

रोकि प्रेम, अवलोकि बदन-बिधु बचन मनोहर बोल्यौं॥

तुलसी प्रभु झूठे जीवन लगि समय न धोखो लैहौं।

जाको नाम मरत मुनि दुर्लभ तुमहि कहाँ पुनि पैहौं॥

- तुलसीदास- Tulsidas

#www.poemgazalshayari.in

||Poem|Gazal|Shayari|Hindi Kavita|Shayari|Love||